Meri AMMI, Wo Meri Badsalooqi Par Bhi Mujhe Dua Deti Hai...

Wo Meri Badsalooqi Par Bhi Mujhe Dua Deti Hai
Aagosh Main Le Kar Sab Gham Bhula Deti Hai

Youn Lagta Hai Jaise Jannat Se Aa Rahi Hai Khushbu
Jab Wo Apne Pallu Ki Mujhe Hawa Deti Hai

Main Jo Anjane Main Karoon Koi Galti
Meri MAA iss Par Bhi Muskura Deti Hai

Kiya Khoob Banaya Hai Rab Ne Rishta MAA Ka
Veeran Ghar Ko Bhi MAA Jannat Bana Deti Hai

MAA Ke Baad Mera Kon Sahara Hai
Ye Soch Kabhi Kabhi Mujh Ko Rula Deti Hai..!!

  • Digg
  • Del.icio.us
  • StumbleUpon
  • Reddit
  • RSS

Paida raah-e-khaloos mein dushwaarian na kar!!!!!

Paida raah-e-khaloos mein dushwaarian na kar
Chaahat nahi to hum se adakarian na kar

Lafzon se khailne ki zaroorat nahi tujhe
Saada dilon k saath ye fankariyaan na kar
 
Jin se nahi lagao, unhein munh bhi na laga
Bewaja har dukaan se kharidariyaan na kar
 
Tu shakhe gul he koi amar bail ko nahi
Wabasta har shajar se wafadariyan na kar
 
Taaza he dil pe daagh agar pehli maat ka
Phir doosri shikasat ki taiyarian na kar !!!

  • Digg
  • Del.icio.us
  • StumbleUpon
  • Reddit
  • RSS

Ajab duniya hai na shaayar yahan par sar uthaate hain!!!

Ajab duniya hai na shaayar yahan par sar uthaate hain
jo shaayar hain wo mehfil me dari chaadar uthaate hain

tumhaare shaher me mayyat ko sab kaandha nahi dete
hamaare ghaanv me chappar bhi sab milkar uthaate hain

Inhe firkhaa parasti mat sikhaa dena ke ye bachche
zameen se choom kar titli ke toote par uthaate hain

samandar ke safar me waapsi ka kya bharosa hai
to aye saahil khuda haafiz ke hum lungar uthaate hain

ghazal hum tere aashiq hain magar ek pait ki khaatir
khalam kis par uthaana tha khalam kis par uthaate hain

bure chehre ki jaanib dekhne ki hadh bhi hoti hai
sambhalna aaina khaano ke hum patthar uthaate hain

  • Digg
  • Del.icio.us
  • StumbleUpon
  • Reddit
  • RSS

Mudatton pehle jo doobi thi wo poonji mil gayi!!!

Mudatton pehle jo doobi thi wo poonji mil gayi
jo kabhi daryaa me phenki thi wo neki mil gayi

khudkushi karne pe aamada thi naa kaami meri
phir mujhe deewar par chadti ye chinti mil gayi

mai Ise inaam samjhoon ya sazaa ka naam doon
ungiliyaan kat te hi tohfe me anghooti mil gayi

mai Isii mitti se uthaa tha baboole ki tarah
aur phir ek din Isii mitti me mitti mil gayi

phir kisi ne lakshmi devi ko thokar maar di
aaj koode daan se phir ek bachi mil gayi

  • Digg
  • Del.icio.us
  • StumbleUpon
  • Reddit
  • RSS

Kash azad qabilay k sukhanwar hote!!!

Kash azad qabilay k sukhanwar hote
Hum muhazon per na biktay to sikandar hote

Khud farebi k khuwaabon mein rahe hum warna
Appni auqat mein rehte to qalandar hote

Moj-e-kausar ki qasam hum the mobabbat k wali
Khaak k dar pe na jhukte to sumandar hote

Ankh ne khuwab k laluch mein khayanat kar li
Warna hum jagti raton k payaambar hote

ღ~••●♣♥════════►♠•Qaiser•♠◄════════♥♣●••~ღ

  • Digg
  • Del.icio.us
  • StumbleUpon
  • Reddit
  • RSS

Hazaron dukh paren sahnna mohabbat mar nahin sakati!!!

Hazaron dukh paren sahnna mohabbat mar nahin sakati
Hai tum se bus yahii kahna mohabbat mar nahin sakati

Tera har bar maire khat ko parhna aur ro daina
Maira har bar likh daina mohabbat mar nahin sakati

Kiya tha hum ne campus ki nadi par ikk haseen waadda
Bhaly hum ko parhy marna mohabbat mar nahin sakati

Jahan main jab talak panchi chahaktay urahtay phiraty hain
Hai jab tak phool ka khilana mohabbat mar nahin sakati

PuranE ahhad ko jab zinda karne ka khayal ae
Mujhe bus itna likh daina mohabbat mar nahin sakati

Wo tera hijar ki shab main fone rakhany se zara pahalay
Bahat rotey hue kahna mohabbat mar nahin sakati

Agar hum hasaraton ki qabar main hi dafan ho jaen
To yeh qatabon py likh daina mohabbat mar nahin sakati

Purane rabaton ko phir nae waadde ki khawaish hai
Zara ikk baar to kahna mohabbat mar nahin sakati

Gae lamhat fursat k kahan se dhoond kar laon
Wo pahron hath par likhna mohabbat mar nahin sakati

  • Digg
  • Del.icio.us
  • StumbleUpon
  • Reddit
  • RSS

Bichar k tujh se ye khud ko saza di maine!!!

Bichar k tujh se ye khud ko saza di maine

Teri talash main aik umer laga di maine

Tujhe jo dil se nikala to yun laga jaise

Apne ander koi deewar gira di maine

Gounge behro main raha jaise koi nabina

Zindagi tere bina aisay bita di maine

Jis ka har lafz adhura raha sanam tum bin

Zindagi aisi ik kitaab bana di maine

Us ko achanak se jo khoya to laga

Zindagi aik hi lamhen main ganwa di maine

  • Digg
  • Del.icio.us
  • StumbleUpon
  • Reddit
  • RSS

Zindagi k har morr per kuch iss tarah azmaya gya mujhe!!!

Zindagi k har morr per kuch iss tarah azmaya gya mujhe
Zindagi de kar phir, Zindagi k liye tarsaya gya mujhe
Pehlay ata kia ghamon ka saya mujhe
Phir khushi k ik ik lamhaye ko tarsaya gya mujhe
Logo k liye rakhte the wo Pyar k sumandar
Magar ik ik boond ko tarsaya gya mujhe
Kaise na karte iss Mohabbat se nafrat
Chiragh ki tarah, Har dehleez per jalaya gya mujhe

  • Digg
  • Del.icio.us
  • StumbleUpon
  • Reddit
  • RSS

Bohat afsurda lagte hai mujhe ab yar k qisay

Bohat afsurda lagte hai mujhe ab yar k qisay 
Gul-o-gulzar ki batein lab-o-rukhsar k qisay 
Yahan sab k muqadar mai faqt zakhm-e-judai hai 
Sabhi jhoote fasany hai wisal-e-yar k qisay 
Bhala ishq-o-Mohabbat se kisi ka pait bharta hai
Suno! tum ko sunata hoon me karobar k qisay 
Mere ehbab kehte hai yahi ik aib hai mujh me 
Sar-e-deewar likhta hooon pas-e-deewar k qissay 
Mai aksar isliye logo se ja kr khud nahi milta 
Wohi bekar ki batein, wohi bekar k qisay

  • Digg
  • Del.icio.us
  • StumbleUpon
  • Reddit
  • RSS

Mohabbat Ki Aseeri Se Rihaayi Maangtay Rehna!!!

Mohabbat Ki Aseeri Se Rihaayi Maangtay Rehna
Bohat Aasaan Nahi Hota Judaai Maangtay Rehna

Zara Sa Ishq Karlaina, Zara Si Aankh Bhar Laina
Iwaz Iske Magar Saari Khudaai Maangtay Rehna

Kubhi Mehroom Honton Per Dua Ka Harf Rakh Dena
Kubhi Wehshat Mein Oski Naarsaayi Maangtay Rehna

Wafaaon Ke Tasalsul Se Mohabbat Rooth Jaati Hai
Dil Ki Sakoot-e-Shaam-e-Gham Se Humnawaayi Maangtay Rehna

Kubhi Bachay Ke Nannay Haath Per Titli Ke Par Rakhna
Kubhi Phir Oske Rangon Se Rihaayi Maangtay Rehna

  • Digg
  • Del.icio.us
  • StumbleUpon
  • Reddit
  • RSS