Bechara DIL

Bechara dil to dil hai 
khawahishon ka ghulam aur dukhon ka ghar
justaju-e-ishq me
kai baar
terey dar pe aaya tha
tune bhi kai baar mera intezaar kiya tha
phir tera intezar itna taweel hua
k sub kuch beh gaya
jab me laut kar ayaa
tu kisi aur ki thi
teri ankhon me chupa dard
me ne dekha tha
aur mera dil
toot gia tha.

  • Digg
  • Del.icio.us
  • StumbleUpon
  • Reddit
  • RSS

Un Ki Aankhen

Un ki ankhon ko dekhta hun to khawab milte hain
dil-e-muztarib ko kuch to jawab milte hain

ek shaher-e-  tamanna ki khatir lar gaya  hun zamane se
jab woh hi sath na de to iztarab milte hain

mohabbat to milti nahi azmaish ka zamana hai   
roz hi ik naye imtehan ke azab milte hain

gar tujh ko chahat hai to chalo yun milte hain
jaise raat ko shabnam se gulab milte hain

mujhey kisi chandni raat ka intezar nahin aay dost
mujhe to jaagti ankhon se bhi khwaab milte hain

  • Digg
  • Del.icio.us
  • StumbleUpon
  • Reddit
  • RSS

Tufaan

Main samunder hoon khamoshi meri majboori hai,
de sako to kisi tufaan ki dua do mujh ko...

  • Digg
  • Del.icio.us
  • StumbleUpon
  • Reddit
  • RSS

Jiwan

Kuch ishq tha kuch majburi thi so main ne jiwan war diya
main kaisa zinda admi tha ik shakhs ne mujh ko mar diya

ye saja sajaya ghar saqi meri zat nahin mera hal nahin
ai kash kabhi tum jan sako jo us sukh ne azar diya

main khuli hui ik sachai mujhe janane wale jante hain
main ne kin logon se nafrat ki aur kin logon se pyar kiya

wo ishq bahut mushkil tha magar asan na tha yun jina bhi
us ishq ne zinda rahne ka mujhe zarf diya pindar diya

ik sabz shakh gulab ki tha ik duniya apne pyar ki tha
wo ek bahar jo ai nahin us k liye sab kuch har diya

main rota hun aur asman se tare tutate dekhta hun
un logon par jin logon ne mere logon ko azar diya

wo yar hon ya mahbub mere ya kabhi kabhi milne wale
ik lazzat sab k milne main wo zakhm diya ya pyar diya

  • Digg
  • Del.icio.us
  • StumbleUpon
  • Reddit
  • RSS

Sapna

Jeene ke liye mujhe ek sapna de do
Hakeekat meri jaan liye jaa rahi hai

  • Digg
  • Del.icio.us
  • StumbleUpon
  • Reddit
  • RSS

Yaad Aaya

Aaj aansu aaye, rab yaad aaya,
aapke aate hi sab yaad aaya

jab bhi khwaish ki hai milne ki aapse
phir bichdne ka sabab yaad aaya

soch main hun ki tujhe dekha hai
mera shisha hai tu, ab yaad aaya

tujhpe jo dekhi khuda ki mehr
apna bhi dast-e-talab yaad aaya

geeli geeli hia meri aankhen kyun
aaj din bhar main tu kab yaad aaya

  • Digg
  • Del.icio.us
  • StumbleUpon
  • Reddit
  • RSS

Mohabbat

Naa bach paya dil tera mohabbat ke azaabon se "Qaiser",
saans to aati jaati hai lekin wajood mera bejaan sa hai.

  • Digg
  • Del.icio.us
  • StumbleUpon
  • Reddit
  • RSS

Kat gayi zindagi

Kat gayi zindagi rote rote
apna daman bhigote bhigote

har taraf ek tufaan sa tha
daag dil ke kaha jaake dhote

ban gaya dil hi gum ka samandar
gum ki kashti duboote duboote

ho bhala mere inn aasuuoo ka
varna kya paas tha hum jo khote

hass bhi lete kabhi zindagi me
                                   chahe badnaam hote to hote

  • Digg
  • Del.icio.us
  • StumbleUpon
  • Reddit
  • RSS

Khilona chahta tha.

Dhoonda tumne mujhe us waqt jab main kudh khona chahta tha
ke ansoo bhi sookh gaye us ghadhi jab main rona chahta tha

Jawaan dilon se khel to koi ajab baat nahin is zamaane mein,
zindagi kheli mujhse, jab bachpan mein main ik khilona chahta tha

bina neend bhi kuchchh the khwaab jin mein kashmakash hi thi
hosh sambhali to jana, kisi aur haal mein paida hona chahta tha

justajoo thi behad uski dil ko, ik jhalak si thi jiski ki zehan mein
jab jana ke bas khwaab mein mile gi to main bhi sona chahta tha

phir bhi jane kyun kaT-te rahe din, mushkil ratein bhi ghuzarti rahi
baadal bhi dhoka de gaye jab main khud ko bhigona chahta tha

 manzil thi door aur kameyabi ka ailaan waqt se pehle kiya "Anmol"
 woh to ek dastaan nikli jise mehz ek nagme mein parona chahta tha.

  • Digg
  • Del.icio.us
  • StumbleUpon
  • Reddit
  • RSS

Yaadein

Yaadein B hain kuch Aesi Tere NAAM Se Wabasta,
Har Subah hay jaise har Shaam say wabasta.

Bas Tere Tasawwar Se Fursat hi Nahi milti.
Rehti hain Teri Yaadein har SAANS say Wabasta.

Laakhon hain Taman’nayen par ye DUA hay.
Bas NAAM rahy Tera... Mery NAAM Se Wabasta...

  • Digg
  • Del.icio.us
  • StumbleUpon
  • Reddit
  • RSS

Aadat

Hum Se Dekhi Nahi Jati Yeh Veerani Dil Ki,
Koi Samjha Hai Na Samjhe Ga Kahani Dil Ki...

Tamanna ishq Ki Barbaad Kar Gayi Hum Ko..
Hum Jise Aaj Bhi Kehte Hain Nadaani Dil Ki..

Jab Bhi Dekha Use, Dharkan Na Phir Sambhal Payi..
Ab Bhi Mansoob Ussi Se Hai Rawani Dil Ki..

Hum Naa Badle Magar Duniya Badal Gayi..
Wohi Dil Hai, Wohi Aadat Hai Purani Dil Ki…

  • Digg
  • Del.icio.us
  • StumbleUpon
  • Reddit
  • RSS

Tanhaai

Tanhai main jab kabhi
tu yaad aata hai
kaano main teri haansi goonjti hai aur
dil behel sa jaata hai

Tujh se baat na karun
to yeh maan ghabraata hai
teri awaz sunte hi
yeh dil sambhal jaata hai

Khuabon main bhi har raat
tu mujhe satata hai
chhoone ko haath badhatay hi
                                   tu kahin kho jaata hai

                                  Ankhein band karte hi
                                  tu saamne aa jaata hai
                                  tera muskuraata chehra
                                  yunhi mujhay behlaata hai

                                  Teri kahee baaton ka
                                   khayal jab aata hai
                                   chehraa apni muskurahat
                                   khud hi dhoondh laata hai

                                   Tujhe dil kareeb jab
                                   khudh ke mehsoos karta hai
                                   khushi ka ehsaas to bas
                                   rooh main sama jaata hai

  • Digg
  • Del.icio.us
  • StumbleUpon
  • Reddit
  • RSS

Tere Naam Kardoon.

Apni Zindagi ki har Shaam Tere Naam kardoon,
Teri hi Aankhon ka Jaam Tere Naam kardoon

Main Doob jaun Teri in Jheel si Gehri Aankhon main,
Phir apni Barbadi ka ilzam Tere Naam kar doon.

Mai apni Rooh ko Tere Wajood mai bhardoon,
Phir apni Zaat, apna her Payam Tere Naam kardoon.

Tu mujhe mohabbat ka aghaaz de sanam,
Mai Apne Pyaar ka Anjaam Tere Naam kardoon.

Mohabbaton ke Qaseeday likhoon Teri Sanaa mai,
Hazaron Pyaar ke Paighaam Tere Naam kardoon.

Ho jiska Zikar Mohabbat ki har kahani me,
Ek aisa Pyaar ka Peghaam Tere Naam kardoon…….

  • Digg
  • Del.icio.us
  • StumbleUpon
  • Reddit
  • RSS

"USOOL"(by Ahmed Fraz).

Apney usool yun bhi kabhi torney parey,
uski khaata thi haath mujhe jorney parey.

Aya na jab qarar dil-e-beqarar ko,
yadoon k rukh tumhari taraf morney parey.

Unko to meri yaad bhi na aayi bhool kar,
apney paraaye jin k lye chorney parey.

Wo shaks khud FARAZ bara ba usool tha,
apney usool jis k liye torney parey.

  • Digg
  • Del.icio.us
  • StumbleUpon
  • Reddit
  • RSS

"First Love"(by John Clare).

I ne'er was struck before that hour

With love so sudden and so sweet.
Her face it bloomed like a sweet flower
And stole my heart away complete.

My face turned pale, a deadly pale.
My legs refused to walk away,
And when she looked what could I ail
My life and all seemed turned to clay.

And then my blood rushed to my face
And took my eyesight quite away.
The trees and bushes round the place
Seemed midnight at noonday.

I could not see a single thing,
Words from my eyes did start.
They spoke as chords do from the string,
And blood burnt round my heart.

Are flowers the winter's choice
Is love's bed always snow
She seemed to hear my silent voice
Not love appeals to know.

I never saw so sweet a face
As that I stood before.
My heart has left its dwelling place
And can return no more.

  • Digg
  • Del.icio.us
  • StumbleUpon
  • Reddit
  • RSS

"Love and Friendship"(by Emily Bronte).

Love is like the wild rose-briar,

Friendship like the holly-tree—
The holly is dark when the rose-briar blooms
But which will bloom most constantly?

The wild-rose briar is sweet in the spring,
Its summer blossoms scent the air;
Yet wait till winter comes again
And who will call the wild-briar fair?

Then scorn the silly rose-wreath now
And deck thee with the holly's sheen,
That when December blights thy brow
He may still leave thy garland green.

  • Digg
  • Del.icio.us
  • StumbleUpon
  • Reddit
  • RSS

Because She Would Ask Me Why I Loved Her??

If questioning would make us wise

No eyes would ever gaze in eyes;
If all our tale were told in speech
No mouths would wander each to each.


Were spirits free from mortal mesh
And love not bound in hearts of flesh
No aching breasts would yearn to meet
And find their ecstasy complete.


For who is there that lives and knows
The secret powers by which he grows?
Were knowledge all, what were our need
To thrill and faint and sweetly bleed?


Then seek not, sweet, the "If" and "Why"
I love you now until I die.
For I must love because I live
And life in me is what you give.

  • Digg
  • Del.icio.us
  • StumbleUpon
  • Reddit
  • RSS

Mohabbat Key Waadey...

Aaj kuch Likhne ka Dil Aaya,

Socha kia Likhoon??


Teri Wo Batein Likhoon,
Ya Teri Wo yadein Likhoon,
Ya Tu Ne Kiye The Jo Mujh Say Wo Wadey Likhoon??


Phir Main Ne Socha Wo Batien Wo Yadien,
Wo Mujh Sa Tumarey Tamam Wadey Likh Raha Hoo kyon?


Shayed Tum Ne Batien Mujh Se Waqat Guzarny k liye Ki Thin,
Aur Yadein Iss Liye Di Thin K Main Tum Ko Hamesha Yad Rakhoon.


Main Hi Pagal Tha Ke Tere Har Wadey Par Aitbar Kiya,
Halan Ke Main Janta Tha,



Ke Mohabat Key Wadey Porey Nahi Hotey.

  • Digg
  • Del.icio.us
  • StumbleUpon
  • Reddit
  • RSS

THAHER JAO.

Qareeb maut khadi hai zaraa Thaher jaao,
qazaa(shaamat) se aankh ladi hai zaraa Thaher jaao.

thakii thakii sii fazaayen bujhe bujhe taare,
barii udaas gharii hai zaraa Thaher jaao.

nahiin ummiid ki ham aaj kii sahar daikhen,
ye raat ham pe karii hai zaraa Thahar jaao.

abhii na jaao ki taaron kaa dil dharaktaa hai,
tamaam raat parii hai zaraa Thaher jaao.

phir is ke baad kabhii ham na tum ko rokenge,
labon pe saaNs arii hai zaraa Thaher jaao.

daam-e-firaaq mein jii bhar ke tum ko dekh to luun,
ye faisale kii gharii hai zaraa Thaher jaao.

  • Digg
  • Del.icio.us
  • StumbleUpon
  • Reddit
  • RSS

"HALAAT"(By Qateel Shifai).

Tum pucho aur main na bataun aise to halat nahin,
ek zara sa dil tuta hai aur to koi bat nahin.

kis ko khabar thi sanwale badal bin barse ur jate hain,
sawan aya lekin apni qismat mein barsaat nahin.

mana jiwan mein aurat ek bar mohabbat karti hai,
lekin mujhko ye to bata de kya tu aurat zaat nahin??

khatm hua mera afsana ab ye ansoo ponch bhi lo,
jis mein koi tara chamke aj ki rat wo rat nahin.

mere gam-gin hone par ahbab hain yon hairan "Qateel",
jaise main patthar hun mere sine mein jazbat nahin.

  • Digg
  • Del.icio.us
  • StumbleUpon
  • Reddit
  • RSS

"Diwane Aur Anjuman"(By Qateel Shifai).

Tumhari anjuman se uth k diwane kahan jate,
jo wabasta hue tum se wo afsaane kahan jate??

nikal kar dair-o-kaba se agar milta na maikhana,
to thukaraye hue insan Khuda jane kahan jate??

tumhari berukhi ne laj rakh li badakhane ki,
tum ankhon se pila dete to paimane kahan jate??

chalo acha hua kam a gai diwanagi apni,
wagarna ham zamane bhar ko samjhane kahan jate??

'Qateel' apna muqaddar gam se begana agar hota,
phir to apane-paraye hamse pahchane kahan jate??

  • Digg
  • Del.icio.us
  • StumbleUpon
  • Reddit
  • RSS