Umar ghata di usne.

Mai jo mehka to meri saakh jala di us ne
Sabz mosam mai mujhay zard hawa di usne

Pehlay ek lamhay ki zanjeer se baandha mujhko
Or phir waqt ki raftaar barhaa di us ne

Meri nakaam mohabat mujhay wapis kar di
Youn mere hath, meri laash thama di us ne

Wo janti thi mujhay maut sukoon bakhshay gee
Wo sitamgar thi so jeenay ki dua di usnay

Us k hone say meri saansain thi dugnee
Wo jo bichra to meri umer ghata di us ne.......

  • Digg
  • Del.icio.us
  • StumbleUpon
  • Reddit
  • RSS

Imtihaan na le.......

Mere sabar ka na le imtehaan tu
Meri khamoshiyon ko sada na de

Jo tere bagair na jee sake
Usse jeene ki dua na de

Tu aziz dil-o-nazar se hai
Tu qareeb rag-o-jaan se hai

Mere jism-o-jaan ka ye fasla
Kahin waqt aur barha na de

Tujhe bhool ke bhi na bhoola sakon
Tujhe chah ke bhi na pa sakon

Meri hasraton ko shumar de
Meri chahaton ka sila na de

Woh tadap jo shola e jaan mein thi
Mere tan badan se lipat gai

Jo bujha sake to bujha isse
Na bujha sake to hawa na de

  • Digg
  • Del.icio.us
  • StumbleUpon
  • Reddit
  • RSS

Ek Ladki...

Ek ladki hai Alsaai si...
Lage khushiyon ki parchaain si...


Jab muskaaye to phool jhadein...
Jaise saawan ki angraai si....

Sabke bhale ki chinta karti...
Apnepan ki baatein karti...

Hansi uski aise gunje...
Jaise saagar lehraai si...

Wafa-Haya hain gehjne uske...
Bahut bade hai  sapne uske...

Duniya daari se anjaan...
Jaise kaliyan sharmaayi si...

Dil mein bas gayi uski surat...
Lagti bholi pyaar ki murat...

Sab ki khuda se khair manaati..
Jaise nadiya balkhaai si...

Ek ladki hai alsaai si...
Lage khushiyon ki parchaai si...

Jab muskaai to phul jhadein...
Jaise, saawan ki angraai si...

  • Digg
  • Del.icio.us
  • StumbleUpon
  • Reddit
  • RSS

Chhamm se tum aa jati ho....!!!!!!!

Shola ek bharka jati ho
Dil mein aag laga jati ho

Jab bhi aankhein band kerta hoon
cham se sooch mein aa jati ho

Har rang jaise tere liye ho
Jo bhi pehno bha jati ho

choti choti baaton per youn
kahe ko ghabra jati ho

har soo jaise kaliyan chatkein
jab bhi tum muska jati ho

Wade roz naye ker k tum
Dil ko younhi behla jati ho

Dukh ke tapte mausam mein
Badal ban ker chaa jati ho

Dunya kitni haseen lagti hai
Jab tum milne aa jati ho...

  • Digg
  • Del.icio.us
  • StumbleUpon
  • Reddit
  • RSS

Tum............

Tum haqeeqat nahi hasrat ho,
Jo miley khawab mei wohi daulat ho, 

Mein tumhare hi dum se zinda hoon,
Mar hi jaoun jo tum se fursat ho, 

Kis liye dekhti ho Aaina tum,
Tum tu khud se bhi jyada khubsurat ho, 

Dastan ab khatam hone wali hai,
Tum hi meri pehli aur akhri mohabbat ho.

  • Digg
  • Del.icio.us
  • StumbleUpon
  • Reddit
  • RSS