DIL UDAS HAI BOHAT


Dil udas hai bohat koi paigham hi likh do 
Tum apna naam na likho, gum-naam hi likh do

Meri kismat mai gham-e- tanhai hai lekin 
Tamaam umr na likho, magar ek sham hi likh do

Zaroori nahi ke mil jaaye sakoon har kisi ko 
Sar-e- bazm na aao magar benaam hi likh do

Ye jaanta hoon ke umr bhar tanha mujhko rahna hai 
Magar pal do pal, ghari do ghari, mere naam hi likh do

Chalo hum maan lete hain ke saza ke mustahiq thehre hum 
Koi inaam na likho koi ilzaam hi likh do

  • Digg
  • Del.icio.us
  • StumbleUpon
  • Reddit
  • RSS

0 comments:

Post a Comment